Ли: Трамп е отворен за етапен пристап кон нуклеарното прашање на Северна Кореја

Претседателот на Јужна Кореја, Ли Џае-мјунг денеска изјави дека американскиот претседател Доналд Трамп се согласил да го разгледа предлогот за запирање на нуклеарната и ракетната програма на Северна Кореја на краток рок, а воедно да ја задржи денуклеаризацијата како долгорочна цел.

Според Ли, Трамп, на маргините на Самитот на Г7 во Франција, истакнал дека е „време да се обрне внимание“ на Северна Кореја и се чинел подготвен да го продолжи дијалогот со севернокорејскиот лидер Ким Џонг-ун, иако немал конкретни планови за тоа.

Без да се откажам од денуклеаризацијата, објаснив дека треба да одиме чекор по чекор, на краток, среден и долг рок, а не веднаш, истакна Ли.

Тој додаде дека краткорочната цел треба да биде да се спречи Северна Кореја да произведува дополнителен нуклеарен материјал, да префрла оружје или материјали во странство и да се оневозможи да развива технологија за интерконтинентални балистички ракети