Трамп го пофали турскиот претседател Ердоган, самитот на НАТО во Анкара го нарече „успех“

Американскиот претседател Доналд Трамп денеска го поздрави турскиот претседател Реџеп Таип Ердоган како „голем лидер“ и го опиша дводневниот самит на НАТО во главниот град Анкара како „многу успешен“.

– Штотуку заклучивме многу успешен самит на НАТО овде во Турција – рече Трамп на прес-конференција по завршувањето на дводневниот самит на НАТО во турскиот главен град.

Трамп му се заблагодари на Ердоган за домаќинството на самитот, јави Анадолија.

– Сакам да му се заблагодарам на претседателот Ердоган, кој е навистина голем човек. Тој е голем лидер. Тој е мој пријател, мој пријател е веќе долго време. Тој е силна личност, многу силен карактер, и затоа води толку успешна и добра земја – додаде тој.

Самитот во Анкара ги обедини лидерите на 32-те земји членки на алијансата, како и клучните партнери, со цел да разговараат за одбранбениот капацитет на Европа, целите за одбранбените трошоци на сојузот, воената модернизација и континуираната поддршка за Украина.

Трамп рече дека за време на самитот разговарале за целта да се трошат 5 проценти од БДП за одбрана.

– На работната сесија утрово разговаравме за напредокот што другите членки го прават кон целта од 5 отсто … некои навистина одговорија на повикот, а други прават големи промени и ќе одговорат на повикот … Ги повикувам сите нации да ги забрзаат своите планови за да стигнат до таа одредница што е можно побрзо – додаде тој.

Трамп истакна дека на самитот имало „неверојатно единство“.

– И ги повикувам сите нации да ги забрзаат своите планови за да ја достигнат референтната вредност што е можно побрзо. Таа одредница ќе биде бројката од 5 проценти, тоа е бројката што требаше да биде веќе со години – заклучи тој.