Песков: Светот не е поблизу до нуклеарна војна отколку за време на Кубанската криза

Кремљ не смета дека современиот свет е поблиску до нуклеарна војна отколку што беше за време на Карипската (Кубанската) криза во октомври 1962 година, изјави портпаролот на рускиот претседател Дмитриј Песков, одговарајќи на прашање на агенцијата ТАСС.

„Ние не би донеле такви заклучоци“, рече тој, коментирајќи ја наредбата на шефот на државата Владимир Путин да се проучи можноста за започнување подготовки за јадрени тестови и неодамна спроведените тестирања на ракетата „Буревестник“ и подводниот апарат „Посејдон“, кој веќе почнаа да го нарекуваат „оружје на Судниот ден“.

Со неговата изјава, Песков ја релативизира заканата од ескалација, која се појави по објавите за тестирање на стратешкото оружје и за можните подготовки за јадрени проби.