Билд: Германија ќе ја обвини руската тајна служба за нападот со беспилотно летало во Лајпциг

Германската влада се подготвува да го припише обидот за напад со беспилотно летало врз аеродромот Лајпциг/Хале на руската разузнавачка служба, објави „Билд“, повикувајќи се на безбедносни извори. Официјална потврда се уште не е објавена.

„Билд“ тврди дека собраните докази сега се доволно силни за да се заклучи за вмешаноста на руската држава.

Министерот за внатрешни работи Александар Добриндт и министерот за надворешни работи Јохан Вадефул денеска треба да ги презентираат најновите наоди од истрагата. Вадефул не ја именуваше директно Русија, но најави решителен одговор.

„Нема да претеруваме со реакцијата, но ќе реагираме ако бидеме нападнати“, рече тој за време на неговата посета на Алжир.

„Германија нема да биде заплашена на никаков начин и ова ќе продолжи да биде фундаментална насока на нашата политика“, додаде тој.

Според него, одговорот се подготвува во договор со европските партнери и НАТО.

На 4 август, дронот беше регистриран во заштитената зона на аеродромот Лајпциг/Хале. Снимките од камерите за надзор покажаа дека тој намерно удрил во украински товарен авион „Антонов“ и го погодил неговото крило, во непосредна близина на резервоарот за гориво.