Протекоа информации за „Епл“ паметните очила

Паметните очила на „Епл (Apple)“, коишто директно ќе се натпреваруваат со „Мета Реј-бан (Meta Ray-Ban)“, како и со новите очила од „Гугл“ и „Самсунг“, добија можен датум на објавување на пазарот.

„Епл“ првично планираше да ги претстави своите очила подоцна оваа година, но компликациите и доцниот почеток на развојот значеа дека планираниот датум мораше да се одложи. Познатиот Марк Гурман кој е добро упатен во индустријата, во својот билтен „Пауер он (Power On)“ известува дека извори во „Епл“ се стремат паметните очила да се појават кон крајот на 2027 година. Сè ова сè уште не е дефинитивно потврдено, но тоа е временската рамка, истакнува аналитичарот.

Ова значи дека нивните паметни очила ќе бидат претставени по 20-годишнината од „Ајфонот“, кога се очекува револуционерниот „Ајфон 20 про“ при што бројот 19 наводно ќе биде прескокнат. Се очекува и нов „Ајфон“ на преклопување.

Извршниот директор на „Епл“, Тим Кук, при заминувањето беше опседнат со идејата на пазарот да се постават паметни очила коишто ќе се натпреваруваат со другите модели и брендови. До одреден степен, Кук ги дели ставовите на Марк Закерберг за иднината на компјутерите и вештачката интелигенција.

Се работи за пристап што, според познавачот, би можел да биде многу успешен, бидејќи корисниците денес бараат целосна транспарентност кога станува збор за користењето и обработката на личните податоци.