Орбан најави средба со Трамп за економскиот договор со САД Унгарија

Унгарскиот премиер Виктор Орбан најави дека наскоро очекува средба со американскиот претседател Доналд Трамп за да разговараат за економскиот договор меѓу двете земји.

„Постои датум, а преговарачката агенда е подготвена околу 80 проценти. Кога ќе се согласиме со Американците за преостанатите 20 проценти, заедно ќе одлучиме кога да ја објавиме средбата, а потоа тоа ќе се случи“, рече Орбан во интервју за новинскиот сајт „Мандинер“.

Тој додаде дека Унгарија имаше место на меѓународниот мировен самит за Газа, бидејќи, како што рече, е дел од меѓународната, про-мировна мрежа предводена од Трамп.

На самитот во Египет во понеделник, Трамп јасно застана на страната на унгарскиот премиер, нарекувајќи го „одлична“ личност и „фантастичен“ лидер, според унгарската веб-страница.