Евробаскет 2025: Дончиќ ја однесе Словенија во осминафиналето

Најдобриот кошаркар на Словенија Лука Дончиќ ја предводеше својата репрезентација до нова победа на Европското првенство. Тој во дуелот со Исланд постигна 26 поени во триумфот на Словенија со 87:79. Ова за словенечката репрезентација беше втора победа, која им овозможи пласман во осминафиналето. Во првиот дуел од 4.коло од Д групата Израел ја победи Белгија со 92:89. Вечерва играат ко-домаќинот Полска и Франција.

Табела Д група: Израел 3-1 (победи-порази), Полска 3-0, Словенија 2-2, Франција 2-1, Белгија 1-3, Исланд 0-4.

Во групата Ц во Лимасол, ко-домаќинот Кипар претрпе уште еден убедлив пораз. Грузија славеше победа со 93:61. Во првиот дуел од групата БиХ ја совлада Грција со 80:77. Вечерва играат: Шпанија – Италија.

Табела Ц група: Грција 3-1, БиХ 2-2, Грузија 2-2, Шпанија 2-1, Италија 2-1, Кипар 0-4.