Трамп сака да му го одземе чинот на сенаторот Марк Кели, тој најави претседателска кандидатура

Би-би-си

Американскиот демократски сенатор Марк Кели изјави дека „сериозно ќе размисли“ за кандидатура за претседател на САД во 2028 година додека води правна и политичка битка со администрацијата на претседателот Доналд Трамп поради видео во кое ги повикува припадниците на војската да одбијат нелегални наредби.

Кели  во разговор за Би-би-си откри дека тој и неговата сопруга, поранешната конгресменка Габриел Гифордс, добиле многубројни закани со смрт откога Трамп го обвини за „бунтовничко однесување“ поради видео објавено во ноември. Кели и пет други законодавци, сите со воено или разузнавачко искуство, бе цел на властите по објавувањето видео, во кое ги повикуваат припадниците на вооружените сили да ги отфрлат наредбите што ги сметаат за нелегални.

„Сега ги добиваме на неделна основа“, рече Кели. „Моравме да обезбедиме 24-часовна заштита“.

На прашањето дали размислува да се кандидира за Белата куќа, пензионираниот капетан на американската морнарица одговори дека размислува за тоа „бидејќи живееме во исклучително предизвикувачки времиња“.

„Ова е сериозна одлука“

Кели (61), поранешен астронаут и инженер, забележа на кој начин разликува од повеќето сенатори.

„Јас сум еден од ретките инженери, единствениот со постдипломски студии по инженерство во Сенатот на САД. Имам борбено искуство, што е доста ретко. Поминав 25 години во војската“, рече тој.

Додаде дека тоа е „сериозна одлука“, но дека сè уште не ја донел. Кели и неговите соработници беа цел на администрацијата на Трамп по објавувањето видео, во кое ги повикуваат членовите на вооружените сили да одбијат наредби што ги сметаат за нелегални.

Видеото беше објавено во услови на растечки сомнежи за легалноста на американските напади врз бродови за кои се сомнева дека се вмешани во шверц со дрога покрај брегот на Јужна Америка.

Администрацијата на Трамп се обиде да го деградира

Пентагон, според достапните информации, неуспешно се обиде да го деградира воениот чин на Кели, а големата порота одби да го обвини за бунтовнички заговор. И покрај ова, сенаторот рече дека очекува претседателот да продолжи со судските постапки.

„Ова нема да заврши со моето пензионирање. Ќе продолжам да се борам, дури и ако случајот стигне до Врховниот суд“, рече тој. Критичарите на администрацијата на Трамп ги оценија постапките на владата против шесте законодавци како напад врз слободата на говорот тврдејќи дека тоа е уште еден обид за казнување на политичките противници.

Кели изјави дека заканите со смрт биле насочени и кон сопругата Гифордс, која беше сериозно ранета во обид за атентат во 2011 година кога беше застрелана во главата како членка на Конгресот.

„Доналд Трамп е исклучително неодговорен во своите изјави“, рече Кели. „Постојат луѓе што реагираат на она што го кажува и го слушаат“.

Можни демократски кандидати

Меѓу демократите што размислуваат за претседателска кандидатура се поранешната потпретседателка Камала Харис, која ги загуби изборите во 2024 година од Трамп, а моментно најверојатен гувернер на Калифорнија е Гевин Њусом. Сепак, прелиминарните избори за демократскиот кандидат не се закажани до почетокот на 2028 година.

Харис во октомвриско интервју за Би-би-си изјави дека можеби еден ден би можела да стане претседателка и изрази верување дека во иднина во Белата куќа сигурно ќе биде жена.

Иако 22. амандман од Уставот на САД им забранува на претседателите да се кандидираат за трет мандат, Трамп не ја исклучил целосно таквата можност. Во исто време, тој ги спомена сегашниот потпретседател Џ. Д. Венс и државниот секретар Марко Рубио како потенцијални наследници нарекувајќи ги „незапирливи“.

февруари 18, 2026