Српскиот писател Видак Масловариќ добитник на годишната јнижевна награда „Златен прстен“

Писателот Видак Масловариќ од Србија е годинашен добитник на традиционалната меѓународна книжевна награда за творечки опус и високи креативни дострели на книжевен план „Златен прстен“, што ја доделува Фондацијата за културна и научна афирмација и презентација Македонија презент од Скопје.

Масловариќ е роден во 1950 година. Тој е поет, романсиер, драмски писател, антологичар, книжевен критичар и есеист. Сега е актуелен потпретседател на Здружението на писателите на Србија и одговорен уредник на трибината Француска 7.

Меѓу досегашните добитници на наградата се: Милан Ѓурчинов, Владислав Бајац, Фиона Самсон, Момо Капор, Ферид Мухиќ, Петар Опачиќ, Борислав Павловски, Аднан Озер, Радомир Уљаревиќ, Светлана Христова Јоциќ, Јордан Плевнеш и други.