Необична практика во Шведска компанија: Вработените добиваат 30 минути платена пауза за мастурбација

Во време кога сè повеќе компании експериментираат со нови пристапи за зголемување на продуктивноста и благосостојбата на вработените, една шведска фирма за забава за возрасни отиде чекор подалеку – воведе 30-минутна платена пауза за мастурбација.

Сопственичката на компанијата, Ерика Луст, вели дека оваа невообичаена мерка значително го подобрила расположението и ефективноста на тимот, пренесува Unilad.

„Луѓето бараат момент мир – дури и на работа“

Иако се чини бизарно, истражувањата покажуваат дека мастурбацијата на работното место не е реткост. Според анкета на Time Out New York, дури 39% од испитаниците признале дека мастурбирале за време на работа, најчесто во тоалетите. Мотивите варираат – од желба за кратка пауза и намалување на стресот, до потреба за „момент само со себе“ во напорно работно опкружување.

Познато е дека мастурбацијата може да има позитивни ефекти – како олеснување на стрес, намалување на менструални болки, подобрување на спиењето и зголемување на самодовербата во тешки ситуации.

Од идеја до реализација

Ерика Луст (48), шведска режисерка и сценаристка која живее и работи во Барселона, смета дека мастурбацијата може да придонесе за менталното здравје и продуктивноста. Нејзината компанија нуди посебна „просторија за ослободување на тензија“, каде што секој вработен може да земе получасовна пауза за мастурбација – без прашања и без осуда.

„Сакав да им понудам начин да се чувствуваат подобро. Кога вработените се психички добро, и компанијата функционира подобро“, изјави Луст.

Мерката започнала како експеримент во текот на пандемијата, но по позитивните реакции, станала траен дел од фирмата. Вработените пријавиле намалување на агресија и зголемена фокусираност, а според Луст, целта не е само продуктивност, туку и нормализирање на сексуалното здравје.

Поделени реакции меѓу експертите

Иако некои го поздравуваат пристапот на Луст, други повикуваат на претпазливост. Психотерапевтот Иан Кернер вели дека ваквите пракси мора да се усогласат со работната култура и границите на професионалноста.

„Во многу случаи, мастурбацијата кај мажи на работното место е одговор на силен стрес и анксиозност – нешто што бара подлабоко внимание“, изјави тој за Psychology Today.

Од друга страна, Доминик Каретсос, директорка на Healthy Pleasure Group, го поддржува концептот: „Сексуалната благосостојба е нераскинливо поврзана со нашето физичко и ментално здравје – и заслужува поддршка и ресурси како и секој друг облик на грижа за себе“.