РФМ објави конкурс за избор на официјална маскота

Ракометната федерација на Македонија (РФМ) објави денеска конкурс за избор на официјална маскота која ќе биде заштитен знак на македонскиот ракомет на домашната и меѓународната сцена.

Конкурсот ќе биде отворен до 15 декември и на истиот можат се пријават сите заинтересирани.

Идејното решение на маскотата, како што е соопштено, треба да го „претставува нашиот ракометен дух, тимска енергија и национален идентитет на сите домашни и меѓународни настани“.

„Авторот на избраната маскота ќе добие потпишан дрес од нашите ракометари и ракометарки, опрема од Ракометната федерација, како и по десет билети за секој нареден натпревар до крај на сезоната за националните натпревари во Македонија“, се наведува во објавата на РФМ.