Памела Андерсон за Лијам Нисон: „Имавме среќа – природна хемија се појави меѓу нас“

Познатата актерка Памела Андерсон (58) отворено зборуваше за своето искуство со Лијам Нисон (73) на снимањето на новиот филм The Naked Gun (Голи пиштол), откривајќи дека на почетокот се чувствувала несигурно и уплашено.

„Тој има неверојатна кариера зад себе, а јас имам чувство дека дури сега започнувам одново. Понекогаш се појавува таа несигурност, но со текот на времето – едноставно си присутен и продолжуваш“, изјави Памела во британската емисија Loose Women.

Гласини за романса?

Веќе подолго време кружат гласини за блискост меѓу Памела и Лијам, особено по нивното појавување на премиера, каде Памела го бакна Нисон во образ. Сега и самата актерка проговори за спонтаната хемија што се развила меѓу нив на снимањето.

„Се појави некаква природна хемија. Тоа не се случува секогаш, но кај нас… едноставно кликнавме. Имавме среќа“, рече Андерсон.

Памела го освоила Лијам – со леб

Лијам Нисон исто така има само пофални зборови за својата колешка, не само поради актерскиот талент – туку и поради нејзините вештини во кујната.

„Памела е одлична готвачка. Неколку пати ми направи домашен леб од кисело тесто – беше фантастичен“, изјави тој низ смеа.

Снимени заедно – насмеани и опуштени

Двојката неодамна беше снимена како заедно го напуштаат луксузниот хотел „Corinthia“ во Лондон, што дополнително ги подгреа гласините.
Памела блескаше во елегантна жолта комбинација, без шминка, додека Лијам се обидуваше да се сокрие под капа.

Тоа нивно појавување следеше само неколку дена по анализата на експерти за говор на тело, кои се обидоа да утврдат дали станува збор за романса – или само за маркетинг трик.

„Пријателство, не љубов“

И покрај очигледната блискост на и надвор од екранот, извор близок до актерите за Daily Mail изјавил:

Лијам е воодушевен од Памела, но само како пријател. Нема планови за љубовна врска – меѓу нив постои силно пријателство кое ќе трае засекогаш.

Изворот додал дека некои можеби ќе ја протолкуваат нивната блискост погрешно, но зад сè стои само искрено пријателство.