Норвешка го освои женскиот ракометен Мундијал

 Ракометарките од Норвешка го освоија златниот медал на Светското првенство 2026. Во финалето вечерва во Ротердам, Норвежанките ја победија Германија со 23:20 (11:11).

Норвешка е сопственик на сите три злата од најголемите натпреварувања, Олимписки игри, Европско првенство и Светско првенство.

Германките стигнаа до медал на Мундијал, прв од 2007 година.

Голманката Катрин Лунде со 15 одбрани, како и Хени Рајстад со шест и Тејл Дејл со пет гола беа најзаслужни за победата на Норвешка.

За Германија, Катарина Филтер имаше 11 одбрани, Емили Фогел, Виола Лехтер и Алина Гриселс постигнаа по четири гола.

Во предигра на големото финале Франција по продолжение ја победи Холандија со 33:31 и стигна до бронзата.