АКН: Позитивни оценки за работењето на Катастарот во најновиот извештај на Европската комисија

Во најновиот извештај на Европската комисија за напредокот на државата на патот кон Европската Унија, Агенцијата за катастар на недвижности доби високи и позитивни оценки за своето работење.

Во извештајот, меѓу другото, се наведува:

„Катастарската управа воведе нови дигитални услуги за јавноста, со што го намали бројот на нерешени предмети за 20% во споредба со 2024 година и го намали вкупниот број на примени предмети за 10%. Регистрацијата на земјиштето и недвижностите е завршена, а ласерското скенирање е имплементирано на национално ниво.“

Коментирајќи го извештајот, директорот на Агенцијата, Иван Живковски, потенцираше дека ваквата оценка претставува потврда за сериозниот, одговорен и резултатен пристап во работата на институцијата.

„Ова е јасен показател дека Агенцијата за катастар се движи во вистинска насока. Докажавме дека со посветена работа, ред и професионализам може да се постигнат конкретни резултати. Пред нас стојат уште многу обврски, но оваа оценка е поттик да продолжиме со уште поголем интензитет“, истакна директорот Живковски.