Објавен трејлерот за „Врисок 7“

Објавен е трејлерот за хорор-филмот „Врисок 7“ (Scream 7) и во него го гледаме сосем новиот „Гоустфејс“ (Ghostface) со многу поразорни и поексплозивни намери, но и Нев Кемпбел повторно, како Сидни Прескот.

Трејлерот доаѓа повеќе од две години по објавувањето на „Врисок 6“ – првиот филм од серијалот каде што Кемпбел не глумеше, поради спор околу платата. Во новиот филм се враќа и Кортни Кокс, а според ИМДБ, учествува и Дејвид Аркет кој, исто така, глумеше во претходните шест филма, но неговиот лик Дјуи беше убиен во последниот филм.

Гласините говорат дека и Метју Лилард, кој се прослави со првиот филм „Врисок“ од 1996 година, наводно, се враќа во седмиот дел од хорор-сагата.

„Врисок 7“ ќе биде првиот филм режиран од Кевин Вилијамсон, кој го напиша сценариото за оригиналниот филм. Претстојното продолжение ќе се прикажува од 27 февруари, следнава 2026 година.