Пјастри: Сè уште сум уверен дека можам да ја освојам титулата

Пјастри има за цел да стане шампион во Ф1 во 2025 година.

Возачот на Мекларен истакна дека веќе бил во тесни битки за титулата во пониските категории и затоа не е заплашен од притисокот од Ландо Норис и Макс Верстапен.

– И претходно сум бил во тесни битки, понекогаш дури и потешки од оваа. Затоа сфаќам дека работите сè уште би можеле да се свртат во моја корист. Сè уште сум уверен дека можам да ја освојам титулата. Минатиот викенд на Гран при во САД беше очигледно тежок. Разликата во пласманот на возачите малку се намали во последните неколку недели, но повторно, темпото е тоа што ќе ја освои титулата – не само гледањето на бројот на поени и нивните флуктуации. Колку побрзо одите, толку повеќе поени заработувате – и тоа е главната работа, изјави Пјастри.

Тој е моментален лидер во поредокот во светскиот шампионат во Формула 1 со 346 бода, 14 повеќе од клупскиот колега Норис и 40 од актуелниот првак Верстапен.