Гатузо: Нашиот финиш против Естонија можеше да биде подобар

Селекторот на Италија, Џенаро Гатузо, ги искажа своите впечатоци по триумфот од 3:1 над Естонија во квалификациите за Светското првенство во 2026 година.

– Нема лесни натпревари во квалификациите, а Естонците денес покажаа многу желба, се бореа напорно и трчаа многу. Продолживме да играме со интензитет. Нашиот финиш можеше да биде подобар, но не сум загрижен за тоа. Многу сум задоволен од сè. Се искачивме на второто место во групата, иако тоа сè уште не значи ништо. Можеме да зборуваме само за достигнувања врз основа на конечните резултати, рече Гатузо по синоќешната средба во Талин.

Италија ја обезбеди третата последователна победа под водство на Џенаро Гатузо и е втора во Група И со 12 бода од пет натпревари. Естонија е четврта со 3 бода од 6 натпревари.