Претставата „Бог на колежот“ со две награди на МТФ „Денови на комедија“

На 28. Меѓународен театарски фестивал „Денови на комедија“ во Куманово, МНТ триумфираше со две престижни награди. Претставата „Бог на колежот“ ја доби Гран при наградата за најдобра претстава, а актерот Ѓоѓи Јолевски беше прогласен за најдобар актер за улогата во истата претстава.

Претставата е копродукциски проект работен според текстот „God of Carnage“ од Јасмина Реза, во адаптација и режија на Весна Петрушевска.

Во претставата играат Ѓорѓи Јолевски, Дарја Ризова, Благој Веселинов, Наталија Теодосиева, како и децата од актерската школа на Петрушевска.

– Иако минималистички по форма, „Бог на колежот“ плени со силна актерска игра, духовит дијалог и прецизна режиска визија, кои на публиката ѝ понудија искуство што и забавува и поттикнува на размислување. Ова признание за Јолевски, првенец на ансамблот на МНТ, е резултат на неговата исклучителна интерпретација и актерска зрелост, кои успешно го обликуваат сложениот лик и ја доловуваат драматичната напнатост зад хуморот на текстот, велат од МНТ.

Признанието „Лауреат“ и беше доделено на актерката и режисерка Весна Петрушевска за нејзиниот придонес во развојот на македонската комедија.