Стаменкоска Трајкоска: Нова катна гаража, нов младински центар и пешачко-велосипедска патека за конекција на цела Кисела Вода

Кандидатката за градоначалничка на Кисела Вода, Бети Стаменкоска Трајкоска во гостување на Радио Лидер, говореше за приоритетите кои ќе ги реализира во следните 4 години. Како прв приоритет таа го спомена паркирањето, за коешто рече дека иако се направени над 1500 паркинг места во овој мандат, тоа не е доволно и дека силен фокус ќе биде зголемување на паркинг местата.

Како едно од покрупните ветувања, Стаменкоска Трајкоска најави изградба на нова катна гаража.

„Позади, помеѓу граѓаните позната како пеглата, ќе се гради катна гаража во соработка со град Скопје, но исто така и на детектирани места како што ќе може да се изградат и монтажни паркинг простори, но исто така и нови дополнителни паркинг места’’, истакна таа.

Стамекоска Трајкоска рече дека програмата е правена со голем број на експерти дека е навистина задоволна од истата, како што потенцираше, таа програма ќе и биде водилка во наредниот период.

„5 приоритетни проекти, системска програма за урбана и здрава животна средина пошумување на Кисела Вода, младински центар во Драчево, ново паркирање нов ред, голем акцент ќе ставиме на овој приоритет, како и нова општинска зграда, каде предвидувам во следните 4 години да се направи проект и идејно решение со проектна документација’’, најави Стаменкоска Трајкоска.

Во делот на патната инфраструктура, таа најави соработка со Градот Скопје и идниот градоначалник Орце Ѓорѓиевски, затоа што жителите на Кисела Вода ќе имаат голем бенефит од истото.

„Изградба на нова улица или ново сообраќајно решение како сакате, од Маркова река кај Драчево до бул. Србија, позади ОХИС, и во голем процент ќе се растерети онаа гужва која што ја имаме во утринските часови’’, рече таа и додаде:

„Пешачко велосипедска патека, обиколка на Кисела Вода, има многу убав начин на којшто луѓето треба да уживаат и да се движат, со што ќе се поврзе општина која во соработка на Градот ќе ја направиме’’, заклучи Стаменкоска Трајкоска.