Италија повикува на прекин на сите војни за време на Зимските олимписки игри во Милано

Италијанскиот министер за надворешни работи Антонио Тајани објави дека неговата земја ќе поднесе официјално барање за прекин на огнот во целиот свет за време на Зимските олимписки игри во Милано и Кортина д’Ампецо, кои се закажани од 6 до 22 февруари следната година.

Концептот за глобален прекин на огнот за време на Олимписките игри датира од античко време, кога завојуваните сили се согласуваа да ги прекинат непријателствата за да можат спортистите безбедно да стигнат до Олимпија за натпреварите.

– Со оглед на Игрите во Милано и Кортина, им предлагаме на Обединетите нации олимписко примирје за сите војни, вклучително и оние во Украина и Блискиот Исток. Мора да бидеме шампиони на мирот. Го поддржуваме американскиот план за прекин на војната во Газа и, како што рече папата Франциск, не смееме да престанеме да се надеваме на мир, рече Тајани.