Консеисао седнува на клупата на Ал Итихад

Португалскиот стратег Серхио Консеисао е блиску до преземање на тренерската должност во саудискиот клуб Ал-Итихад.

Според новинарот Николо Шира, 50-годишниот Португалец ќе потпише договор до 2027 година. Се очекува двете страни наскоро да го финализираат договорот.

Консеисао седеше на клупата на Милан од декември 2024 до јуни оваа година, откако претходно ги предводеше Порто, Нант, Виторија Гимараеш, Брага, Академика и Олимпик Марсеј.

На 28 септември, Ал-Итихад објави раскинување на договорот со Французинот Лоран Блан. Два дена претходно, тимот претрпе пораз од Ал-Наср со 0-2 во четвртото коло од првенството на Саудиска Арабија. Блан беше на чело на Ал-Итихад од јули 2024 година.