Сијарто: Изјавите на дел од членките на НАТО водат кон понатамошна ескалација со Русија

Повиците на некои членки на НАТО за поагресивен одговор на инцидентите со нарушување на воздушниот простор водат кон дополнителна ескалација, изјави унгарскиот министер за надворешни работи Петер Сијарто во интервју за ТАСС на маргините на 80. Генерално собрание на ОН.

– Да, апсолутно сме загрижени за настаните што можат да доведат до понатамошна ескалација на конфликтот. Од самиот почеток, пред три и пол години, многу јасно кажавме дека најлоша варијанта би била директна конфронтација меѓу НАТО и Русија. А директна конфронтација би значела сериозен ризик од почеток на војна, што ние не го сакаме, нагласи Сијарто.