Фудбал
Тухел по триумфот над Србија: Ова е чисто тимска победа
Селекторот на Англија, Томас Тухел, им оддаде признание на неговите избраници за убедливата победа над Србија.
Англичаните синоќа во Белград во доминанта игра ја совладаа Србија со 5:0 во квалификацискиот натпревар за Светското првенство во 2026 година.
– Беше чиста тимска работа. Игравме со голем интензитет и ја покажавме нашата вештина. Мислам дека не ѝ дозволивме на Србија да упати ниту еден удар кон голот, а тоа бара многу труд, многу интензитет и некоја невидлива работа за која обично не добивате пофалби, изјави Тухел за сајтот на УЕФА.
Англија има 15 бода и е лидер во Групата К. Србија е на третото место со седум бода.
септември 11, 2025
