Анкета: Речиси половина од Французите ги поддржуваат блокадите најавени за 10 септември

Нешто помалку од половина од Французите ги поддржуваат масовните блокади што движењето „10 септември“ ги најави за тој датум низ целата земја, според најновата анкета, чии резултати денеска ги објавуваат француските медиуми.

Според податоците од анкетата, 46 проценти од Французите го поддржале повикот земјата да биде блокирана на 10 септември, додека 28 проценти од испитаниците биле против тоа, а 26 проценти од нив биле рамнодушни кон прашањето, објавува весникот „Трибјун Диманш“ (La Tribune Dimanche).

Првата причина за поддршка на блокадите би била падот на куповната моќ, според анкетата спроведена од Ипсос и фирмата BVA, заедно со Колеџот за инженерство (CESI) на примерок од 1.000 граѓани над 18 години.