САД го поддржуваат планот на Сеул за нуклеарна подморница

Јужнокорејскиот министер за одбрана Ан Гју-бак се сретна со својот американски колега Пит Хегсет на маргините на годишните безбедносни разговори.

За време на состанокот, Хегсет рече дека САД ќе вложат напори да ја поддржат имплементацијата на ветувањето на американскиот претседател Доналд Трамп дека на Јужна Кореја ќе ѝ биде дадена дозвола за изградба на подморница на нуклеарен погон во американско бродоградилиште, објавија денеска јужнокорејските медуми.

Одобрувањето дојде откако јужнокорејскиот претседател Ли Џе-мјунг го замоли Трамп за време на самитот на Азиско-пацифичката економска соработка (АПЕК) во Гјонгџу минатата среда да му дозволи на Сеул да снабдува нуклеарно гориво за подморницата.

Трамп го потврди одобрението на социјалните медиуми следниот ден, велејќи дека подморницата ќе биде изградена во бродоградилиштето Ханва Оушн во Филаделфија.

Оваа година, разговорите на министрите за одбрана се одржаа во контекст на нерешени прашања за модернизација на алијансата, вклучувајќи го и планот на Јужна Кореја за враќање на оперативната контрола во време на војна и напорите на САД да ги охрабрат сојузниците да преземат поголема улога во одбраната.