Русија го предупреди Трамп да го обновува тестирањето на нуклеарно оружје

Русија предупреди дека би можела да го продолжи тестирањето на нуклеарно оружје, откако американскиот претседател Доналд Трамп најави планови за повторно рестартирање на тестови за првпат по повеќе од 30 години.

Според руските новински агенции, портпаролот на Кремљ, Дмитриј Песков денеска изјави дека се надева оти Трамп е правилно информиран за најновите руски тестови, кои не биле на нуклеарно оружје, пренесе ДПА.

Тој исто така рече дека Русија е подготвена да ги продолжи преговорите за нуклеарно разоружување со САД, но дека Трамп сè уште не одговорил на предлозите.

Во објава на Truth Social, Трамп денеска најави итен почеток на нови тестирања на нуклеарно оружје, оправдувајќи ја мерката со наведување на програмите за тестирање на други земји.

Видот на тестовите и оружјето што треба да биде тестирано остануваат нејасни. САД последен пат извршија такви тестови во 1990-те.

– Досега не бевме свесни дека некој спроведува тестови, рече Песков.

– И ако ова некако се однесува на тестирањето на „Буревестник“, тогаш тоа дефинитивно не е нуклеарен тест, додаде тој.

Рускиот претседател Владимир Путин неодамна потврди успешни тестови на крстосувачката ракета со нуклеарен погон со долг дострел, Буревестник.

Иако ваквите ракети можат да бидат опремени со нуклеарни боеви глави, тие не се користат за тестовите.

– Сите земји продолжуваат да ги развиваат своите одбранбени системи, но тоа не се нуклеарни проби, рече Песков.

Тој нагласи дека САД имаат право да спроведуваат такви тестови како суверена држава, но потсети на претходните предупредувања на Путин дека Русија тогаш би реагирала на ист начин.

Во 2023 година, Путин ја повлече ратификацијата на глобалната забрана за нуклеарни проби од страна на Русија, и оттогаш се осврнува на можноста за продолжување на тестирањата. Сепак, Русија продолжува да соработува во глобалното следење на пактот.