Белгискиот Врховен суд ја отфрли тужбата против Фон дер Лајен за набавката на Ковид вакцини

Врховниот суд на Белгија ја оцени како неприфатлива кривичната тужба поднесена против претседателката на Европската комисија, Урсула фон дер Лајен во врска со набавките на Ковид вакцини од американската компанија „Фајзер“. 

Пресудата на Врховниот суд е донесена по жалба на одлуката на Судот во белгискиот град Лиеж, кој во 2023 година ја отфрли тужбата поднесена од поранешниот белгиски лобист Фредерик Балдан. 

Балдан во тужбата ја обвинуваше Фон дер Лајен за злоупотреба на функцијата, уништување докази, корупција и судир на интереси при договарањето на набавките на вакцини против корона вирусот за време на Ковид пандемијата. Кон тужбата на Балдин привично се приклучија уште неколку странки, меѓу кои и Унгарија, Полска, здружението „Нашиот добар закон“, белгиската партија Вивант и неколкумина граѓани. 

Адвокатот на Фон дер Лајен, Адриен Масе ја поздрави пресудата на белгискиот Врховен суд оценувајќи ја како „добра одлука“. 

Одлуката на Врховниот суд е конечна, со што е завршена тригодишната судска постапка против претседателката на Еврокомисијата.