Граната го погоди обезбедувањето на Џеј Ди Венс за време на воена вежба во Калифорнија, нема повредени

За време на воена вежба по повод 250-годишнината од американскиот морнарички корпус во базата „Камп Пендлтон“ во Калифорнија, дел од обезбедувањето на потпретседателот на САД Џеј Ди. Венс беше погоден од метални шрапнели откако артилериска граната експлодирала над автопат, соопшти сообраќајната полиција на Калифорнија (ЦХП).

Инцидентот се случил за време на вежба со боева муниција над автопатот I-5, каде што полицајците на ЦХП го запреле сообраќајот од безбедносни причини.

Гранатата предвреме детонирала во воздух, а делови од експлозивната направа погодиле возило на ЦХП и мотоцикл што го придружувал потпретседателот.

– Ова беше невообичаена и загрижувачка ситуација, изјави началникот на граничната дивизија на ЦХП, Тони Коронадо.

– Многу е невообичаено каква било обука со боево оружје или експлозив да се случи на активен автопат. Како маринец, имам огромно почитување кон нашите воени партнери, но моја најважна одговорност е да ја обезбедам сигурноста на луѓето од Калифорнија и полицајците кои ги штитат, додаде тој.