Уставниот суд на Грузија ќе разгледува барање за забрана на партијата на Сакашвили

Уставниот суд на Грузија прими барања за забрана на опозициската партија Обединето национално движење, формирана од поранешниот грузиски претседател Михаил Сакашвили, како и на уште две опозициски партии.

Барањето е доставено од 88 пратеници на владејачката партија Грузиски сон – Демократска Грузија.

Согласно законот, Уставниот суд има рок од девет месеци да го разгледа барањето и да донесе одлука.

Премиерот на Грузија, Иракли Кобахиѕе изјави дека тужбата е заснована на наодите на Парламентарната истражна комисија, која утврдила дека партијата Обединето национално движење од 2004 до 2012 година извршила бројни и систематски кршења на човековите права.

– Забраната на оваа партија, која е симбол на насилство и беззаконие од тој период, би бил чекор кон расчистување на политичкиот простор и стабилизирање на грузиското општество, посочи Кобахиѕе.

Сакашвили, кој е во затвор, повеќе пати тврдеше дека е цел на политички прогон, а актуелната Влада влада се обидува да ја елиминира опозицијата пред претстојните избори.