Крај на една ера, Леви го напушти челното место во Тотенхем

Лондонски Тотенхем објави денеска дека Даниел Леви се повлекува од функцијата извршен претседател по речиси 25 години кои ги мина на должноста.

„Тотенхем помина долг пат во последниот четврт век. Клубот се натпреваруваше во европски натпреварувања во 18 од последните 20 сезони, станувајќи еден од најпрепознатливите фудбалски клубови во светот. Континуирано инвестираше во својата академија, играчи и инфраструктура, вклучувајќи нов, светски познат стадион и најсовремен тренинг центар. Клубот, исто така, постојано настапуваше на највисоко ниво, уживајќи во бројни успеси на теренот, вклучувајќи го и неодамнешниот триумф во Лигата на Европа“, се наведува во клупското соопштение.

Заминувањето на Леви е дел од структурните реформи кои неодамна ги почна премиерлигашот од северен Лондон.

Винај Венкатешам беше назначен за извршен директор, Томас Франк за нов тренер на машката репрезентација, а Мартин Хо за нов шеф на стручниот штаб на женскиот клуб.

Паралелно со ова, Питер Чарингтон се приклучи на одборот и ќе ја преземе новата улога како неизвршен претседател.

Сето ова е дел од „амбицијата на клубот да обезбеди долгорочен спортски успех“, се вели во соопштението.