Во Мексико уапсени шест членови на бандата Трен де Арагуа

Мексиканските власти соопштија дека се уапсени шест лица под сомнение дека се членови на бандата Трен де Арагуа, а се товарат за трговија со дрога, уцени и трговија со луѓе.

Министерот за одбрана на Мексико, Омар Гарсија Харфуч веста за апсењето на осомничените членови на бандата го објави на социјалните мрежи.

Апсењето уследи еден ден откако претседателката Клаудија Шајнбаум и американскиот претседател Доналд Трамп разговараа за континуирана соработка против наркокартелите.

Администрацијата на Трамп минатата година групата Трен де Арагуа ја означи како терористичка организација, која е поврзана со соборениот претседател на Венецуела, Николас Мадуро.

Бандата Трен де Арагуа настана пред повеќе од десет години во затвор во Венецуела.