Вести
Повторен конкурс за сместување во студентски домови каде што има слободни места
Министерството за образование и наука известува дека од денеска е отворена можноста за пријавување на студенти за сместување во студентски домови каде што останале слободни места по завршувањето на првиот конкурс.
Во објавата на веб-страницата на МОН е наведено дека слободни места има во државните студентски домови „Кочо Рацин“ во Битола, „Томе Стефановски – Сениќ“ и „Пелагoнија“ во Скопје, „Никола Карев“ во Охрид и во приватниот студентски дом „Хилјадников“ во Штип.
– Сите заинтересирани студенти може да аплицираат најдоцна до крајот на тековниот месец. Критериумите и условите за аплицирање се идентични како и при првото пријавување и може да се погледнат на линкот https://mon.gov.mk/mk-MK/konkursi-i-stipendii/konkursi-mon/konkurs-za-priem-na-studenti-zapisani-na-dodiplomski-studii-vo-drzavnite-i-privatnite-studentski-domovi-vo-republika-severna-makedonija-za-studiskata-20242025-godina , се наведува во објавата на МОН.
