Стефанчук: Вистинскиот мировен процес мора да се заснова на принципот „ништо за Украина без Украина“

Претседателот на Врховната Рада на Украина Руслан Стефанчук, одржа говор на отворањето на Четвртиот парламентарен самит на Меѓународната кримска платформа во Стокхолм при што нагласи дека секој вистински мировен процес мора да се заснова на принципот: „Ништо за Украина без Украина, ништо за Европа без Европа“.

Тој истакна дека од првиот ден на војната, Украина бара мир кој ја почитува нејзината независност, суверенитет и достоинство, и ги наведе клучните црвени линии, вклучувајќи го отфрлањето на какво било правно признавање на руската окупација и отсуството на какви било ограничувања за одбранбените сили на Украина.

Во своите завршни зборови, претседателот на Врховната Рада на Украина нагласи дека високо ја цени поддршката од силните и доверливи пријатели на Украина. Тој изрази посебна благодарност до спикерот на шведскиот Парламент Андреас Норлен за одлуката овогодишниот Четврти парламентарен самит на Меѓународната кримска платформа да се одржи во Стокхолм.

Стефанчук, исто така, го истакна континуираното учество на претседателите на парламентите од Хрватска, Чешка и Летонија – земјите кои беа домаќини на претходните три парламентарни самити, „чие непоколебливо присуство симболизира доследна, посветена и принципиелна поддршка за Украина во нејзината борба за деокупација на Крим“. ј