Одредени се учесниците во плејофот на Светското првенство 2026

По одигрување на последното коло во европските квалификации за Светското првенство 2026, познати се сите учесници во плејофот.

Помеѓу 16 екипи поделени во четири шешири е и македонската репрезентација.

Дванаесетте второпласирани во квалификациите и четирите победници на групите од Лигата на нации кои завршија пониско од второто место во своите квалификациски групи, ќе играат еден елиминациски натпревар во полуфиналето и еден во финалната рунда од баражот.

Репрезентациите од Шешир 1 ќе чекаат противник од Шешир 4, а потоа победниците ќе се соочат со победниците од натпреварите помеѓу Шешир 2 и 3.

Покрај македонската во Шешир 4 се и селекциите на Шведска, Романија и Северна Ирска.

Во Шешир 1 се: Италија, Данска, Турција и Украина.

Шешир 2 е составен од Полска, Велс, Чешка и Словачка.

Шешир 3: Ирска, Албанија, Босна и Херцеговина и Косово.

Жрепката ќе се одржи утре со почеток во 12 часот.

Натпреварите ќе се одржат на 26 и 31 март.