Нормализиран сообраќајот на границата: Литванија ги отвори премините со Белорусија

Граничните премини меѓу Литванија и Белорусија повторно се отворени, соопшти денеска прес-службата на Белорускиот државен граничен комитет.

„Сообраќајот на контролните пунктови Бењакони и Камени Лог на белоруско-литванската граница е обновен“, се наведува во соопштението.

Литванската страна почна да дозволува минување на возила преку соседните контролни пунктови Шалчининкај и Медининкај во еден часот по полноќ (по белоруско време).

Белоруската гранична служба претходно доби официјално известување од Литванија за отворањето на границата и изрази подготвеност да овозможи минување на лица и возила долж целата граница.

Литванија ја држеше границата со Белорусија затворена од 29 октомври до 30 ноември по инциденти со метеоролошки балони.

Поради ова, стотици камиони со литвански регистарски таблички останаа заглавени во Белорусија.

Белоруската влада тогаш им воведе ограничувања за патување до 31 декември 2027 година.

Минск на 10 ноември им дозволи на возачите да ја напуштат Белорусија, но нивните автомобили останаа на посебни паркинзи во близина на границата, додека Вилнус продолжува со преговорите за нивно враќање.