Станковиќ ја напушти клупата на московски Спартак

Српскиот фудбалски стратег Дејан Станковиќ ја напушти клупата на Спартак Москва, објави денеска рускиот клуб.

Станковиќ и Спартак меѓусебно ја прекинаа соработката, а поранешниот тренер на Црвена Звезда, Сампдорија и Ференцварош го водеше московскиот клуб од летото 2024 година.

Минатата сезона, Станковиќ со Спартак го освои четвртото место во руското првенство.

По 15 одиграни натпревари оваа сезона, Спартак е на шестото место во руското првенство со 25 бодови, осум помалку од водечките Краснодар и ЦСКА од Москва.

Русинот Вадим Романов е назначен привремено решение на тренерската должност.