Ѓоковиќ обезбеди учество на завршниот Мастерс

Српскиот тенисер Новак Ѓоковиќ обезбеди учество на завршниот Мастерс во Торино. Но, тој сè уште го нема потврдено учеството.

Ако настапи на Мастерсот тоа ќе биде негово 17.то учество и со тоа ќе го изедначи рекордот на Рожер Федерер. Ѓоковиќ и минатата година имаше обезбедено учество, но донесе одлука да не игра. Оваа година тој има освоено 4.580 бодови, а пред него се Карлос Алкараз со 11.040 и Јаник Синер со 8.500 двајцата веќе имаат обезбедено учество на Мастерсот во Торино.

Новак Ѓоковиќ седум пати завршил како победник на овој турнир, а последен пат тоа беше во 2023 година.