Српската Влада на следната седница ќе донесе национална стратегија за фертилитет

Српскиот премиер Ѓуро Мацут денеска објави дека на следната седница на Владата ќе биде усвоена Националната програма за фертилитет, која, како што нагласи, ќе вклучува стимулирање на паровите кои имаат проблеми поврзани со проширувањето на семејството навремено да контактираат со експерти.

„Србија има ресурси што може да ги насочи во насока на решавање на тој проблем“, рече Мацут на отворањето на конференцијата посветена на политичкото и економското јакнење на жените „Belgrade Women’s Conference RISE 2025“.
Тој истакна дека во Србија има голем напредок во решавањето на тој проблем само во последните неколку години.
„На бројни парови им обезбедивме третман за неплодност во клиниките во земјата, како во државниот, така и во приватниот сектор“, рече Мацут.
Додаде дека е потребно да им се укаже на младите парови, особено на жените, дека треба порано да се фокусираат на решавање на проблемот со проширувањето на семејството.
„Мораме да ги стимулираме жените да почнат да ги елиминираат факторите на ризик“, рече Мацут и додаде дека јавноста мора да биде свесна дека ограничувањето на наталитетот не треба да се турка во доцните четириесетти години.

Тој, исто така, рече дека амандманот на Законот за спречување на семејно насилство, кој се очекува да биде усвоен до крајот на годината, е обид за подобрување на решението за тој проблем.