Хојлунд пред трансфер во Наполи

Италијанскиот шампион Наполи би можел до крајот на оваа недела да го финализира трансферот на напаѓачот на Манчестер Јунајтед, Расмус Хојлунд (22), откако англискиот клуб го донесе во своите редови словенечкиот напаѓач Бенјамин Шешко.
Данскиот интернационалец треба да му се приклучи на Наполи на едногодишна позајмица, а италијанскиот клуб ќе мора да го откупи неговиот договор следното лето, јавија денеска италијанските медиуми.
Медиумите проценуваат дека Наполи ќе мора да плати 45 милиони евра отштета за Хојлунд.
Данскиот напаѓач има искуство играјќи во Италија, откако мина една сезона (2022/23) во Аталанта.