Во Србија работат повеќе од 113.000 компании, 85 отсто од компаниите имаат помалку од 10 вработени

Во 2024 година, во Србија работеле 113.161 компанија, од кои 85,5 отсто се микропретпријатија (96.706) со најмногу девет вработени, според најновите податоци од српскиот Завод за статистика.

Во државата има најмалку големи компании со 250 или повеќе работници. Такви се 674 компании, или 0,6 проценти.

Помеѓу нив се малите претпријатија со 10 до 49 вработени, од кои има 12.814, и средните претпријатија со 50 до 249 вработени, од кои има вкупно 2.967.

Исто така, големите компании имаат најголем удел во прометот со 7,8 милијарди динари или 41,2 проценти од вкупниот промет. Микропретпријатијата имаат најмал удел со околу 2,8 милијарди додека малите бизниси имале промет од околу 3,8 милијарди динари, а средните околу 4,5 милијарди динари.
Најмногу компании работат во областа на трговија на големо и мало и поправка на моторни возила – 28,1 процент. По нив следуваат преработувачката индустрија (13,9 проценти), професионалните, научните, иновативните и техничките дејности (13,9), градежништвото (9,7) и информатичко-комуникациските дејности (7,5).
Лани во сите компании биле вработени вкупно 1.337.382 работници. Најголемиот дел од нив биле вработени во големи системи – 596.633 работници, односно повеќе од 44 проценти, во средните претпријатија има 304.054 вработени, во малите претпријатија 260.538 и точно 176.157 работници во микропретпријатијата.

Најголем дел од вработените се во преработувачката индустрија – 414.931 или 31 процент од вкупниот број работници. По нив следуваат трговијата на големо и мало и поправката на моторни возила со 255.353 вработени (19,1 процент) и транспортот и складирањето со 105.112 вработени (7,9 проценти).