Кристијано Роналдо и Ал Наср шампиони на Саудиска Арабија

Екипата на Ал Наср предводена од Португалецот Кристијан Роналдо ја освои титулата во Саудиската Про лига. Во натпреварот од последното коло на домашен терен Ал Наср го надигра Дамак и со победата од 4:1 го освои првото место пред Ал Хилал со два бода повеќе. На крајот по 34 кола Ал Наср освои 86 бодови, а Ал Хилал – 84.

На дуелот со Дамак, новиот шампион поведе со голот на Садио Мане, а Кингсли Коман на почетокот на вториот дел зголеми на 2:0. Гостите намалија со гол од пенал, а потоа Кристијано Роналдо постигна два гола за конечни 4:1. Воедно вториот гол за него беше негов 973. ти во кариерата.

По крајот на дуелот започна и големо славје на стадионот, а Роналдо конечно успеа да освои титула и во Саудиска Арабија.