Анчелоти: Нејмар ќе биде важен играч за нас на СП 2026

Селекторот на Бразил, Карло Анчелоти, го објасни повикот во репрезентацијата на напаѓачот на Сантос, Нејмар, за настап на Светското првенство 2026. 

– Нејмар ќе биде важен играч за нас на Светското првенство. Цела година го анализиравме Нејмар. Сфативме дека во последниот период тој пронајде конзистентност и е во добра физичка форма. Жал ми е за играчите кои беа изоставени, како Жоао Педро. Тие ќе имаат шанси во иднина. Изборот на овие 26 играчи беше многу тежок бидејќи конкуренцијата во оваа земја е многу, многу жестока! Добив многу совети за оваа листа на играчи… Од новинари, експерти, блогери, пејачи, играчи, поранешни играчи. Сите ми даваа совети од целиот свет. Дури и пилотот ме праша кого ќе повикам. Не се плашам да кажам дека Бразил може да го освои Светското првенство, изјави Анчелоти на прес-конференција.

Нејмар има 34 години. Во сезоната 2026, постигна шест гола и имаше четири асистенции во 15 натпревари за Сантос во сите натпреварувања. 

Фудбалерот има 128 натпревари за својата репрезентација, 79 гола и 59 асистенции. Тој играше на Светското првенство во 2014, 2018 и 2022 година.