Де Зерби: Штом сите сакаат Тотенхем да испадне, тоа е огромна мотивација за мене

Тренерот на Тотенхем, Роберто Де Зерби, зборуваше за својата мотивација пред завршувањето на сезоната 2025/26.

Тотенхем вечер ќе му гостува на Челзи во обид да дојде барем до бод со што ќе обезбеди опстанок во Премиер лига.

– Мораме да најдеме нова мотивација во услови на овој притисок. Ако сите сакаат Тотенхем да испадне, тоа е огромна мотивација за мене и, се надевам, за моите играчи. Мораме да прифатиме дека фудбалот е прекрасен поради соперништвото. Убаво е да се замисли славење победа на гостински терен. Тоа е мотивација, тоа е предизвик. Ако предизвикот е потежок, подобро е да најдеме нова мотивација и да се фокусираме на тоа да се држиме заедно од почеток до крај.
Не можеме да го започнеме натпреварот размислувајќи за нерешен резултат. Мораме да го започнеме натпреварот, да се подготвуваме за натпреварот, а на средбата зборуваме за победа во натпреварот. Секој сака да остане во лигата, секој сака да ја постигне оваа цел, и само тогаш можеме да зборуваме за сè друго, рече италијанскиот менаџер на прес-конференција.

Тотенхем е 17. на табелата во англиската Премиер лига (38 бода по 36 натпревари). Тие се два бода пред Вест Хем, кој е во зоната за испаѓање и одигра 37 натпревари.

Во последното коло Тотенхем ќе се соочи со Евертон.