САД потврдија дека Израел ги снабдил ОАЕ со „Железна купола“

Амбасадорот на САД во Израел, Мајк Хакаби, потврди дека Израел испратил системи за противвоздушната одбрана „Железна купола“ во Обединетите Арапски Емирати со цел да и помогне во одбраната на земјата во војната со Иран.

Хакаби истакна дека земјите од Персискиот Залив препознале кој им е вистински сојузник на терен.

– Тие гледаат дека Израел им помогнал, а Иран ги нападнал. Израел не се обидува да ја заземе вашата земја и не испраќа проектили врз вас – наведе Хакаби.

„Железната купола“ се состои од низа мобилни единици, кои лансираат пресретнувачки ракети кон дојдовни проектили и други воздушни закани. Хакаби посочи дека во ОАЕ е испратен и персонал обучен за ракување со „Железната купола“.

ОАЕ во 2020 година е првата арапска држава, која по повеќе од две децении воспостави дипломатски односи со Израел преку Абрахамовиот договор. Испраќањето на „Железната купола“ во ОАЕ се смета за најзначаен пример за воена соработка меѓу Израел и арапските потписници на Абрахамовиот договор, со што дополнително се зајакнува регионалниот сојуз против Техеран.