Ренар по само две и пол недели ја напушти клупата на Тунис

Французинот Ерв Ренар објави во саботата дека ја напушта должноста селектор на Тунис, откако северноафриканската фудбалска репрезентација беше елиминирана од Светското првенство во групната фаза.
„Мојата авантура завршува тука“, напиша 57-годишниот француски стратег на Инстаграм, заблагодарувајќи ѝ се на Туниската фудбалска федерација за можноста да го тренира тимот на Светското првенство.
Ренар седна на клупата на Тунис по поразот од Шведска (1-5) на 15 јуни во воведното коло од групната фаза, кога му беше врачен отказ на неговиот претходник Сабри Ламуши.
Сепак, селекторската смени не промени ништо позитивно во настапот на Тунис, кој во преостанатите две кола од Групата Ф загуби од Јапонија (0-4) и од Холандија (1-3).
Тунис влезе на мундијалскиот турнир со големи очекувања откако ја заврши својата квалификациска кампања без да прими гол, но го напушти Светското првенство со негативен рекорд од 12 примени голови во групната фаза. Претходниот рекорд беше во сопственост на Костарика, која прими 11 голови на Светското првенство во 2022 година во Катар.