Трамп потпиша меморандум за зголемување комерцијални вселенски лансирања

Американскиот претседател Доналд Трамп потпиша меморандум насочен кон драстично зголемување на бројот на комерцијални вселенски лансирања од САД, а нареди низа мерки што треба да ги спроведат владините агенции.

Белата куќа сака да овозможи најмалку 1.000 лансирања и враќања од вселената годишно до 2030 година во споредба со 178 лансирања минатата година, бројка што е веќе десетпати поголема отколку во 2013 година.

Меморандумот, насочен кон развој на комерцијалниот вселенски сектор, ги повика агенциите да го охрабрат заедничкиот развој на инфраструктурата за вселенски транспорт со партнери од приватниот сектор, да ги забрзаат процедурите за дозволи и процена на влијанието врз животната средина.

Трамп сака неколку владини агенции бргу да ги идентификуваат идните места за лансирање владин имот.

Трамп исто така сака да ги врати американските астронаути на Месечината до 2028 година. Меморандумот ѝ наложува на НАСА да овозможи комерцијален транспорт до Месечината и комерцијален роботски пристап до Марс, како и да истражи комерцијални начини за испраќање луѓе на Марс.

Директорот на Канцеларијата за наука и технологија во Белата куќа, Мајкл Крациос, изјави дека новата национална политика за вселенски транспорт „одговара на момент на експлозивен раст и ја позиционира Америка на чело на следната ера на истражување на вселената“.