Барселона го разгледува Влаховиќ доколку Феран Торес си замине

Барселона го разгледува напаѓачот на Јувентус, Душан Влаховиќ, како опција за засилување на нападот доколку Феран Торес си замине од „Камп Ноу“.

Според „Мундо Депортиво“, српскиот напаѓач не е приоритет за каталонскиот клуб. Барселона знае дека 26-годишниот Влаховиќ би можел да биде купен бесплатно, бидејќи неговиот договор со Јувентус истекува ова лето. 

Фудбалерот има намера да побара плата од приближно осум милиони евра годишно, заедно со бонус за потпишување од 15 милиони евра.

Претходно, директорот за фудбалска стратегија на Јувентус, Џорџо Кјелини, потврди дека клубот нема да го обнови договорот на Влаховиќ, кој важи до крајот на јуни.

Во сезоната 2025/26, Влаховиќ одигра 23 натпревари во сите натпреварувања, постигнувајќи 10 гола и две асистенции. 

„Трансфермаркт“ ја проценува вредноста на напаѓачот на 35 милиони евра.