Редик по елиминацијата на Лејкерси од Оклахома: Мислев дека сме блиску до борба за трофејот

Тренерот на Лос Анџелес лејкерс, Џ.Џ. Редик, одговараше на прашања по поразот на тимот од Оклахома Сити со 110:115 ноќеска во четвртиот натпревар од четвртфиналето на НБА плејофот.

Оклахома Сити ги доби сите четири натпревари од серијата (4-0) и се пласираше во полуфиналето на НБА плејофот, каде што ќе играат против победникот од натпреварот Сан Антонио – Минесота (2-2).

– Кога завршува сезоната, секогаш има виор од емоции. Секако, благодарност до нашите играчи, нашите навивачи. Публиката беше неверојатна вечерва. Нашите навивачи се неверојатни. Не сакав нашата сезона да заврши; сакав да продолжиме. Го обожавав секој момент од оваа година, изјави Редик за „Лејкерс Нејшн“.

Тренерот исто така, одговори на прашање дали тимот е блиску до предизвик за шампионска титула во НБА во иднина.

– Тоа е нешто што треба да го решиме во текот на меѓусезоната… Мислев дека сме блиску до конкуренција… Се обидуваме да освоиме шампионска титула, па затоа треба повторно да процениме каде сме. А во моментов очигледно, не сме доволно добри, додаде Редик.

Очекувањата на навивачите и управата на Лејкерс сезонава беа големи, а амбициите пораснаа по доаѓањето во тимот на Лука Дончиќ кој се повреди и не ги играше натпреварите со Оклахома.