Хроника
ДЗС: Отстранети шест артилериски гранати од Првата светска војна во Гевгелиско
По пријава од физичко лице, екипа на Дирекцијата за заштита и спасување (ДЗС) излезе на терен на трасата на која се изведуваат работи за изградба на гасовод и безбедно беа отстранети шест артилериски гранати во калибар од 75 милиметри.
Како што информира ДСЗ, интервенцијата беше извршена од страна на пиротехничар од ДЗС – Зоран Пеeв од Штип.
– Станува збор за гранати од периодот на Првата светска војна, заостанати од Солунскиот фронт. Пронајдените експлозивни направи беа транспортирани на безбедна локација и пренесени на полигонот Криволак, каде што ќе бидат уништени во согласност со пропишаните безбедносни процедури – соопшти ДЗС.
Од Дирекцијата за заштита и спасување информираат дека со навремената пријава и брзата реакција е избегната потенцијална опасност за безбедноста на граѓаните и работниците ангажирани на терен
февруари 4, 2026
Реализацијата на инфраструктурните проекти во фокусот на средбата Николоски-Памер
До 2030 година грантови од 5.000 до 300.000 евра за зелена трансформација на компаниите
Велковски: Работиме на нова сеопфатна рамка за професионална рехабилитација и вработување лица со попреченост
