Отворен ден за креирање на Буџетот за 2026 во Општина Илинден

Општина Илинден останува посветена на транспарентната комуникација со граѓаните. Во таа насока, во просториите на Општина Илинден се одржа oтворен ден, на кој граѓаните ги презентираа своите идеи и предлози за формирање на Буџетот за 2026 година.

Градоначалникот Александар Георгиевски, заедно со претставници од општинската администрација и директорите на јавните претпријатија, оствари директна средба со граѓаните. На средбата граѓаните ги претставија своите конкретни предлози и проекти, со што директно учествуваат во распределбата на средствата на Буџетот за наредната година.

Сите предлози и барања доставени до Општина Илинден, ќе бидат темелно разгледани и анализирани од страна на стручните служби. Согласно финансиските можности и издржливоста на предложените проекти, тие ќе бидат вклучени во Програмата за работа и Буџетот на Општина Илинден за 2026 година.